KATAVI

Mashehe watano akiwemo Mwenyekiti wa Halmashauri ya Baraza Kuu la Waislamu (Bakwata) Mkoa wa Katavi, Shehe Shaaban Bakari wamesema kujizulu kwao ni kutokana na shehe wa Mkoa wa Katavi kukiuka Katiba ya Bakwata.

Baadhi ya wajumbe waliojiuzulu wakizungumza na Mpanda Radio,wamemtuhumu Shehe wa Mkoa Ally Hussein kuwa kinara wa kukiuka katiba ya Bakwata.

Wajumbe wengine wa baraza la mashehe Mkoa waliojiuzuru ujumbe ni Shehe Mashaka Nassoro Kakulukulu na Hassan Mbaruku.

Kwa upande wake Mwenyekiti wa Halmashauri ya Bakwata Mkoani Katavi Shehe Shaban Bakari ambaye naye amejiuzuru nafasi hiyo,amesema Shehe wa Mkoa wa Katavi Ally Hussein amekuwa akizuia maendeleo ya dini ya kiislamu kwa kutokubaliana na maamuzi ya vikao halali.

Hata hivyo Shehe wa Mkoa wa Katavi Ally Hussein amekana tuhuma dhidi yake akisema ni fitina zinazofanywa na waliojiuzuru na wanatarajia kufanya kikao ili kutoa maazimio kutokana na hali iliyotokea.

SOURCE: Alinanuswe Edward.