MARUFUKU KUSAFIRISHA CHAKULA KONGO -MUHANDO

                                           

 

Mkuu wa wilaya ya Tanganyika mkoani Katavi Swalehe Muhando 

TANGANYIKA

 

Mkuu wa Wilaya ya Tanganyika Salehe Mhando amesema kuwa  watahakikisha kunakuwepo na ukaguzi wa vyombo vya usafirishaji katika mwambao wa ziwa Tanganyika ili kuzuia usafirishaji wa mazao kwenda nchi jirani ya Jamhuri ya Kidemokrasia ya Kongo.

Akizungumza na Mpanda Radio Mapema leo amesema kuwa mazao ya chakula hayatasafirishwa mpaka kuwepo na kibali maalumu, huku akisema watashirikiana na mikoa jirani ili kuhakikisha marufuku hiyo inatekelezwa.

Mhando amesema kuwa kwa mfanyabiashara yeyote atakaye kamatwa akisafirisha mazao kwenda nje ya nchi hatua za kisheria  zitachukuliwa kama vile kutaifishwa kwa mazao hayo na gari lililobeba mazao hayo.

Mapema wiki hii, waziri mkuu Kasim Majaliwa katika sherehe za Idd el fitri zilizofanyika Kilimanjaro alipiga marufuku usafirishaji wa mazao ya chakula nje ya nchi, kauli ambayo ameisisitiza jana bungeni mjini Dodoma