Mahakama ya Hakimu Mkazi Mkoani Morogoro imewanyima dhamana Wabunge Peter Lijualikali,Suzan Kiwanga na wafuasi wengine 34 wa Chadema wakiwemo madiwani na kuwarudisha mahabusu hadi Disemba 04 mwaka huu

MOROGORO

Mahakama ya Hakimu Mkazi Mkoani Morogoro imewanyima dhamana Wabunge Peter Lijualikali,Suzan Kiwanga na wafuasi wengine 34 wa Chadema wakiwemo madiwani na kuwarudisha mahabusu hadi Disemba 04 mwaka huu.

Wabunge hao walikamatwa wiki hii kwa tuhuma za kufanya vurugu katika uchaguzi wa madiwani ikiwa ni pamoja na kuchoma shule na rasilimali nyingine za umma.

Polisi mkoani Morogoro iliwatia mbaroni watuhumiwa 41 kwa madai ya  kufanya fujo na kuchoma moto majengo ya shule baada ya kutangazwa matokeo ya uchaguzi mdogo wa udiwani Kata ya Sofi

Kamanda wa Polisi Ulrch Matei amesema Viongozi hao walikuwa wakiwachochea wafuasi wa chama hicho kuchoma moto  nyumba ya walimu wa shule ya kata ya Sofi na ofisi ya Afisa mtendaji kata kwa kutumia petrol ambapo baadaye walidhamiria kuchoma zahanati lakini askari wakawakamata.

Mbunge Lijualikali yeye alijisalimisha baada ya kupata taarifa kwamba anatafutwa

Source:Mwananchi