Soko la Katumba Mnyaki linalomilikiwa na halamshauri ya Wilaya ya Nsimbo Mkoani Katavi halina choo tangu kuanzishwa kwake .

NSIMBO

Soko la Katumba Mnyaki linalomilikiwa na halamshauri ya Wilaya ya Nsimbo Mkoani Katavi halina choo tangu kuanzishwa kwake hali inayosababisha baadhi ya wafanyabishara kujisaidia vichakani ambopo muda wowote huenda mlipuko wa ugonjwa wa kipindupindu ukatokea.

Hayo yamebainishwa na wakazi wa Kata ya Katumba wanaotumia soko hilo ambapo wamesema wanaishi kwa taharuki ya kukumbwa na kipindupindu kutokana na kukithiri kwa uchafu na ukosefu wa choo katika soko hilo.

Kwa upande wao mwenyekiti wa soko hilo Bw.Leonard Kigwasu na Afisa Mtendaji wa vijiji vya Mnyaki A na B Bw.Kombo Masatu wamekiri kuwepo kwa uchafu sokoni hapo huku wakisema choo kinatarajiwa kukamilika katika kipindi cha miezi miwili ijayo.

Baadhi ya wamiliki wa maduka ya kibiashara wamesema wanatozwa kuanzia shilingi elfu sita na mia tano huku wafanyabishara wanaouzia bidhaa chini wakilipa ushuru kila wanapouza.

Kwa mjibu wa takwimu iliyotolewa hivi karibuni na Diwani wa Kata ya Katumba Senetor Braka,jumla ya vijiji 16 vya kata hiyo vyenye jumla ya wakazi zaidi ya elfu hamsini wanapata huduma ya soko hilo.

Source: Issack Gerald