Baadhi ya wakazi wa Halmashauri ya manispaa ya mpanda wamelalamikia tabia ya kutozwa hela ya mifuko ya kuwekea taka.

MPANDA

Baadhi ya wakazi wa Halmashauri ya manispaa ya mpanda  Mkoa wa Katavi wamelalamikia tabia ya kutozwa hela ya mifuko ya kuwekea taka na baadhi ya vikundi ambavyo vimejisajili kwa ajili ya kukusanya taka.

Wakizungumza na mpanda redio wakazi hao wamesema kuwa baadhi ya vikundi ambavyo vimesajiliwa kwa kazi ya kukusanya taka vimekuwa vikiwauzia mifuko minne kwa shilingi elfu moja kwaajili ya kuwekea taka.

Hata hivyo wameeleza kuwa jambo hilo si sahihi kwani fedha hizo hazina  uhalali kwa wananchi huku wakazi hao wakiwa na mifuko yao ya kuhifadhia taka

Kwa upande wa  Mkurugenzi wa Manispaa ya Mpanda Michael Nzyungu amesema  hawezi kukubaliana na  biashara  hiyo  inayofanya na baadhi ya vikundi vya kukusanya taka na hivyo atachukua hatua kali ili kukomesha tabia hiyo.

Besigye akamatwa, polisi wazingira ofisi zake, Bunge

Kiongozi mkuu wa chama cha Former Forum for Democratic Change (FDC) Dk Kizza Besigye

Kampala, Uganda. 

Kiongozi mkuu wa chama cha Former Forum for Democratic Change (FDC) Dk Kizza Besigye amekamatwa leo saa moja kabla ya Bunge kuanza kujadili pendekezo la kuondoa ukomo wa umri wa rais.

Besigye, aliyewahi kugombea urais mara nne na akishindwa kwa Rais Yoweri Museveni alikamatwa mjini hapa alipokwenda kuwahamasisha wafuasi wake kupinga kufutwa Ibara ya 102 (b) kwenye Katiba iliyoweka ukomo wa kugombea urais kuwa miaka 75.

Besigye alikataa kushuka kutoka kwenye gari lake hali iliyowalazimisha maofisa wa Kituo Kikuu cha Polisi cha Kampala (DPC) wakiongozwa na Joseph Bakaleke kulivuta gari lake hadi kituoni hapo. Hadi sasa Besigye bado yuko ndani ya gari.

Vilevile Mbunge wa Bunge la Afrika Mashariki, Fred Mukasa Mbidde alikamatwa kuhusiana na suala hilo hilo. Zilikuwepo taarifa za kukamatwa vijana wengi katika maeneo mbalimbali yalikofanyika maandamano ya kupinga pendekezo hilo. Maeneo mengine yalikofanyika maandamano ni Mbale, Arua, Mbarara, Masaka na Pader

Polisi wazingira

Katika hatua nyingine, maofisa polisi walisambazwa katika maeneo mengi muhimu katika jiji la Kampala ulinzi unaohusiana na pendekezo la kufutwa Ibara ya 102 (b) ya Katiba likilenga kuondoa ukomo wa umri wa rais.

Makao makuu ya ofisi za chama cha FDC yalizingirwa na polisi wa kawaida, wa kuzuia ghasia na wa kupambana na ugaidi. Ofisi hizo zilizopo Najjanankumbi katika barabara ya Kampala-Entebbe zimezungukwa na polisi wenye silaha.

Msemaji wa Polisi Asan Kasingye alisema juzi kwamba maofisa hao wamesambazwa kwa ajili ya kukabiliana na kitisho cha aina yoyote. Kadhalika maeneo mengi nyeti, eneo lililojaa shughuli za kibiashara na Bunge yote yanalindwa.

Polisi wa kijeshi pia wamesambazwa maeneo ya Constitution Square ambako wameweka mahema sawa na bungeni, eneo muhimu kwa ajili ya mjadala uliotarajiwa kuwasilishwa jana kuhusu kuondolewa ukomo wa umri.

Kusambazwa kwa wingi kwa askari hao kumefanyika katikati ya kampeni zinazofanywa na za vikundi vya kisiasa na sasi za kiraia kupinga marekebisho ya katiba yanayolenga kufuta ukomo wa umri wa rais wa miaka 75. Hoja ya marekebisho hayo ilitarajiwa kuwasilishwa jana baada ya kushindikana Alhamisi iliyopita.

Mjadala ni mkali ndani ya bunge na chama tawala cha NRM wakiwemo baadhi ya wenyeviti wa majimbo ambao wamepinga pendekezo la kufuta Ibara ya 102 (b) ya Katiba wakisema ni jaribio la kupindua sheria mama.

Baraza la Viongozi wa Dini nchini limeongeza uzito kwa kutoa wito kwa serikali kuruhusu hoja ya ukomo wa umri wa rais iamuliwe na wananchi wote kwa kupiga Kura ya Maoni.

Baraza hilo linalojumuisha wakuu saba wa madhehebu makubwa ya dini nchini limesema katika taarifa yao ya pamoja wiki iliyopita kwamba watu waruhusiwe kuamua hatima yao.

“Mjadala kuhusu kuondolewa kwa ukomo wa umri wa rais si suala la upande mmoja ambalo linahodhiwa na wanasiasa na au wabunge...wananchi wana maoni tofauti kuhusu sauala hilo, hivyo kuna haja ya kusikiliza kwa utulivu pande zote bila ya kuegemea upande mmoja na kuutisha mwingine.

Hivi karibuni wabunge wa chama tawala cha National Resistance Movement (NRM) na wa kujitegemea walipitisha uamuzi wa kuondolewa ukomo wa umri wa miaka 75 uliowekwa katika Katiba.

Ikiwa marekebisho hayo yatapitishwa bungeni, itakuwa na maana kwamba Rais Museveni mwenye umri wa miaka 73 sasa ataweza kugombea uchaguzi ujao mwaka 2021 akiwa na umri wa miaka 77. Mwaka 2005, katiba ilifanyiwa marekebisho ukaondolewa ukomo wa mihula miwili ya miaka mitano kila mmoja.

@habari na mwananchi

Mahakama yaamuru ndugu sita kunyongwa hadi kufa

Sumbawanga. 

Mahakama Kuu Kanda ya Sumbawanga mkoani Rukwa imewahukumu adhabu ya kifo watu sita ambao ni ndugu wakazi wa Kalambo baada ya kupatikana hatia ya kumuua ndugu yao.

Ndugu hao wamedaiwa kwamba walifikia uamuzi wa kumuua ndugu yao huyo kwa madai ya kwamba anajihusisha vitendo vya kishirikiana. 

Hukumu hiyo imetolewa leo Jumanne na Jaji Mahakama hiyo, Dk Adam Mambi baada ya kuridhika na ushahidi uliotolewa mahakamani hapo na upande wa mashitaka uliopeleka mashahidi sita ili kuthibitisha mashitaka hayo.

Waliokutwa na hatia katika shauri hilo ni Ferdinand Kamande, Peter Mpandisharo, Edes Kamande, Stephen Sikanda, Henrick Nguvumali na Anatory Kamande huku Alistid Kamande na Will broad Kamande wakiachiwa huru kwa kutokutwa na hatia.

Katika shauri hilo upande wa mashitaka uliongozwa na mawakili wa serikali ambao ni Scolastica Lugongo na Adolf Lema huku upande wa utetezi ukiwakilishwa na wakili Mathias Budodi, ambapo ilidaiwa kwamba washitakiwa walitenda kosa hilo Septemba 27, mwaka 2014.

Ilielezwa mahakamani hapo kuwa siku ya tukio nyakati za usiku washitakiwa wakiwa na silaha za jadi kama vile mapanga, nondo, mawe, majembe walivamia nyumba ya Kamande na kugonga dirisha kisha kuvunja mlango ambapo Kamande alikimbia kuelekea kusikojulikana. 

Ilielezwa kwamba baada ya hapo waliichoma moto nyumba hiyo na kuteketeza kila kitu kilichokuwemo ndani kisha kuondoka zao. 

Wakati nyumba hiyo ikiteketea kwa moto Kamande aliyekuwa amekimbia ili kunusuru maisha yake, alikamatwa na watu hao na kuanza kupigwa huku wakimtuhumu kuwa ni mchawi na baada ya kumpiga sehemu mbalimbali za mwili wake walimchoma moto na kufariki papo hapo. 

Ilidaiwa kwamba  washitakiwa hao walikamatwa na polisi Oktoba 10, 2014 na baada ya kuhojiwa na polisi walikana shitaka hilo.

Awali kabla ya kutolewa kwa hukumu hiyo, mawakili wa Serikali waliiomba mahakama kutoa adhabu kali iwe fundisho kwani watu wamekuwa wakichukulia sheria mkononi na kuua watu kinyume cha sheria wakiwatuhumu kuwa ni washirikina.

Akitoa adhabu hiyo Jaji wa Mahakama hiyo, Dk Mambi amesema ameridhishwa ushahidi uliotolewa mahakamani hapo na upande wa mashitaka hivyo kwa kutumia Kifungu cha Sheria ya Makosa ya Jinai Namba 196 Sura ya 16 kama ilivyofanyiwa marejeo 2002 anawahukumu watu hao sita kifo kwa kunyongwa.

@habari na  Mwananchi

Polisi watumia mabomu ya machozi kuwatawanya Nasa, Jubilee

 

Nairobi, Kenya. 

Polisi wamelazimika kuwatawanya kwa mabomu ya machozi wafuasi wa vyama vya Jubilee na muungano wa upinzani wa Nasa baada ya kuzua vurugu katika ofisi za Tume ya Taifa ya Uchaguzi (IEBC) zilizoko jengo la Anniversary Towers.

Wafuasi wa Nasa waliokuwa wakiimba nyimbo “Chiloba lazima ang’oke” walikabiliwa na wafuasi wa Jubilee waliokuwa wakiimba “Tunataka amani”. Makundi yote mawili yalitimua mbio baada ya polisi wa kuzuia ghasia kuwarushia mabomu ya kutoa machozi.

Huku wakikohoa na wakitafuta mahali salama, wote walikimbia kukwepa kukamatwa.

Maandamano hayo yamefanyika kuitikia wito uliotolewa jana na kiongozi mkuu wa Nasa Raila Odinga kwamba wafuasi wake wajitokeze kwa wingi kuandamana hadi kwenye makao makuu ya IEBC lengo likiwa kumtoa kwa nguvu Ofisa Mtendaji Mkuu wa IEBC Ezra Chiloba kwa madai ya kuhusika kuvuruga uchaguzi mkuu uliofanyika Agosti 8.

Maandamano hayo yanafanyika siku chache baada ya Mahakama ya Juu kufuta ushindi wa Rais Uhuru Kenyatta.

Katika mji wa Kisumu, ambao unatajwa kuwa moja ya ngome za Nasa baadhi ya wakazi waliandamana hadi ofisi za IEBC na baada ya kufika walitoa wito maofisa wa ngazi za juu akiwemo Ezra Chiloba wajiuzulu.

Walimshutumu Chiloba na kikundi chake kwa kufanya njama za kuingilia mchakato wa uchaguzi mkuu ambao matokeo yaliyompa ushindi Uhuru Kenyatta yalifutwa na Mahakama ya Juu.

Waandamanao waliokuwa wamebeba matawi ya miti, mabango huku wakipiga yowe na honi za pikipiki walianzia barabara ya Obote wakaenda mtaa wa Oginga Odinga kabla ya kuchukua Barabara Kuu ya Kenyatta na baadaye Mtaa wa Ang’awa katikati ya jiji.

@habari na mwananchi

Mpalestina awapiga risasi na kuwaua waIsrael watatu

Haki miliki ya picha

Image captionMpalestina awapiga risasi na kuwaua raia watatu wa Israel

Watu watatu raia wa Israel wameuawa kwa kupigwa risasi na raia wa Palestimna katika mlango wa kuingia kwenye makao ya walowezi wa kiyahudi eneo la Har Adara lililo ukingo wa magharibi.

Mtu mwenye bunduki wa umri wa miaka 37 kutoka kijiji kilicho karibu pia alipigwa risasi na kufariki baadaye.

Waziri mkuu wa Israel Benjamin Netanyahu alisema mauaji hayo yamesababishwa na uchochezi upande wa palestina.

Mauaji hayo yanafanyika wakati mjumbe wa Rais Donald Trump eneo la Mashariki ya Kati Jason Greenblat, anapowasili Jerusalem kufufua mazungumzo kati ya Israeli na Palestina.

Image captionZaidi ya wayahudi 600,000 wanaishi karibu makao 140 yaliyojengwa tangu mwaka 1967

Ikulu ya Marekani inasema kuwa imejaribu kufanya mikakati wa kuyafufua mazungumzo tangu Donald Trump aingie madarakani mwezi Januari lakini hakujakuwa na dalili za kuwepo hatua.

Mazungumzo ya amani kati ya pade hizo mbili yalivunjika mwezi Aprili mwaka 2014.

Polisi wanasema kuwa mtu huyo mwenye silaha anayetajwa na vyombo vya habari nchini Israeli kama Nimer Jamal, alishambulia baada ya kugundua kuwa alishukiwa na walinzi karibu na mlango wa eneo la Har Adar.

Aliwapiga risasi walinzi wawili na polisi wa mpaka kwa karibu, na kumjeruhi vibaya mtu mwingine kabla ya kupigwa risasi na vikosi vya usalama.

Haki miliki ya picha

Image captionAliwapiga risasi walinzi wawili na polisi wa mpaka kwa karibu, na kumjeruhi vibaya mtu mwingine

Alitoka kijiji cha Beit Surik, karibu maili moja mashariki mwa Har Adar.

Eneo hilo liko karibu kilomita 18 kaskazini magharibi mwa Jurusalem.

Karibu Wapalestina 36,000 wana vibali vya kufanya kazi katika makao ya wayahudi ambapo ulinzi wa kuyalinda dhdi ya mashambulizi ni mkali.

Zaidi ya wayahudi 600,000 wanaishi karibu makao 140 yaliyojengwa tangu mwaka 1967, kwenye ukingo wa magharibi na Mashariki mwa Jerusalem.

Haki miliki ya picha

Image captionPolisi walitoa picha ya bunduki aliyoitumia@habari na bbc swahili

Wajerumani wapiga kura kulichagua bunge

Leo tarehe 24 Septemba ,Wajerumani wanapiga kura katika uchaguzi mkuu, ambapo kiongozi wa chama cha Christian Democratic -CDU Kansela Angela Merkel anawania kuchaguliwa tena kwa muhula wa nne wa kipindi cha miaka minne.

Mpinzani wake mkubwa  wa kiti cha Ukansela ni mkuu wa chama cha Social Democratic SPD, ambacho hadi uchaguzi huu kilikuwa mshirika katika serikali ya Muungano pamoja na CDU.

Wajerumani wanapiga  kura leo Jumapili  katika  uchaguzi ambao unatarajiwa  kushuhudia  kansela  Angela  Merkel akishinda muhula  wa  nne wa  kihistoria  na  chama  cha siasa  kali  za  mrengo  wa  kulia  kikitarajiwa  pia  kuingia bungeni kwa  mara  ya  kwanza  katika  muda  wa  zaidi ya nusu  karne.

Wajerumani wakipiga kura katika uchaguzi mkuu wa taifa kulichagua bunge

Kundi  la  kihafidhina  la  kansela  Merkel  linaelekea kubaikia  kuwa  kundi  kubwa  bungeni , uchunguzi  wa maoni  ya  wapiga  kura umeonesha  kabla  ya  kura hiyo leo, lakini  mgawanyo  wa  wa  makundi  ya  kisiasa utamuwia  vigumu  kuunda  serikali  ya  mseto  kuliko  hapo nyuma.

Wakati karibu  theluthi  ya  Wajerumani  hawajaamua wachague  chama  gani  wakati  wa  kuelekea  upigaji kura, Merkel  na  hasimu  wake  mkubwa katika kinyang'anyiro  hiki, mgombea  wa  chama  cha  siasa  za wastani  za  mrengo  wa  kushoto Martin Schulz wa  chama cha  Social Democratic SPD, amewahimiza  wapiga  kura jana  Jumamosi  kujitokeza  na  kupiga  kura.

Baadhi ya vipeperushi dhidi ya kansela Maerkel mjini Berlin, kikieleza kuwa "huyu sie kansela wangu".

"Tunataka  kuwapa  hamasa  zaidi  ili  tuweze kuwafikia watu  wengi  zaidi ," kansela mwenye  umri  wa  miaka  63, alisema  mjini  Berlin  kabla ya  kuelekea  kaskazini  katika jimbo  lake  kwa  ajili  ya  duru  ya  mwisho  ya  kampeni.

Uchaguzi wa majimbo pigo kwa Merkel

Katika uchaguzi  wa  majimbo  mwaka  jana, chama  cha kansela  Merkel cha  kihafidhina  kilipata  pigo dhidi  ya chama  cha  siasa  kali  za  mrengo  wa  kulia  cha Alternative for Germany AfD , chama  mbadala  kwa Ujerumani, ambacho  kilifaidika  na hali ya  wapiga  kura kutoridhishwa na uamuzi  wake  kuweka  mipaka  ya Ujerumani  wazi kwa  ajili  ya  wahamiaji  milioni  moja.

Hali  hiyo ya kushindwa ilimfanya  Merkel , ambae  ni  binti wa mchungaji  ambaye  alikulia  katika  Ujerumani  ya mashariki  ya  kikomunist, kufikiria iwapo ajaribu  kugombea kuchaguliwa  tena.

Baadhi ya mabango ya vyama yakielezea sera zao

Lakini  baada  ya  suala  hilo  la  wakimbizi  kulidhibiti mwaka  huu, alirejea  tena  katika  umaarufu  na  kujitupa tena  kufanya  kampeni , akijiwakilisha  kuwa  ni mhimili  wa uthabiti  katika  dunia  ambayo  haina  uhakika.

Chama cha  siasa kali za mengo wa kulia

Kiongozi wa chama  cha  siasa kali za  mrengo wa kulia Alexander Gauland, muasisi mwenza na naibu mwenyekiti wa  chama  hicho  cha  AfD amesema "tutairejesha  nchi yetu kwenu kwa  kuzuwia mmiminiko  wa  wakimbizi." Katika  suala  la  kuunda  serikali  ya  mseto  ambapo vyama vya muda  mrefu SPD, na CDU vimesema havitafikiria  kuungana  na  chama  hicho  kuunda  serikali, kiongozi wa  chama  cha  AfD Gauland  amesema "hatutaingia  katika  muungano na chochote  kati  ya vyama  hivyo pia. Tutabakia  kuwa chama  cha  upinzani tukiwa na msimamo  thabiti."

Kiongozi wa chama cha Alternative for Germany AfD Alexand

@habari na Dw swahili

Kiongozi wa mwenge agomea mradi wa shule

Kiongozi wa mbio za mwenge wa Uhuru, Amour Hamad Amour

Kiongozi wa mbio za mwenge wa Uhuru, Amour Hamad Amour amegoma kuweka jiwe la msingi la ujenzi wa Shule ya Msingi Mkundi ya Mbaru na kuagiza Taasisi ya Kuzuia na Kupambana na Rushwa (Takukuru) kuchunguza kwa nini imejengwa chini ya kiwango.

Amour alimuagiza Mkuu wa Takukuru wilayani Lushoto, Zozima John kwenda kufanya tathmini ya ujenzi huo ili kujua thamani ya fedha na ubora wa mradi ambao umebainika kuwa na ufa kwenye ukuta, mabati kuezekwa chini ya kiwango na udogo wa vyumba vya madarasa kutokandikwa vizuri.

Alisema ujenzi huo umetumia zaidi ya Sh7 milioni kati ya Sh 11 milioni zinazohitajika kuumalizia.

“Mkurugenzi (wa Halmashauri ya Lushoto, Kazimbaya Makwega) sitaweka jiwe la msingi la mradi huu kwa vile upo chini ya kiwango. Mabati yanatakiwa yawe na ubora wa geji 28, lakini ninyi mmeweka geji 32. Pia, jengo hili limetoa ufa kabla ya kuanza kutumika huku darasa likiwa na vipimo vidogo,” alisema Amour.

Mkuu wa Takukuru, John alisema mradi huo umetekelezwa chini ya viwango ili kuwahi mbio za mwenge na kuongeza hata mabati ya darasa hilo yameezekwa Sept 21, mwaka huu.

Akizungumza juzi baada ya kuupokea mwenge katika Kijiji cha Mkomazi, Mkuu wa Mkoa wa Tanga, Martine Shigella alisema miradi yote itakayozinduliwa imehusisha nguvu za wananchi, halmashauri, Serikali kuu na wahisani.

@habari na mwananchi