Waziri wa Ardhi, Nyumba na Maendeleo ya Makazi William Lukuvi, amewataka wamiliki wa nyumba nchini kuwapa fursa wapangaji kulipa kodi ya mwezi mmoja mmoja badala ya miezi sita au mwaka.

Waziri wa Ardhi, Nyumba na Maendeleo ya Makazi William Lukuvi

DAR ES SAALAM

Waziri wa Ardhi, Nyumba na Maendeleo ya Makazi William Lukuvi, amewataka wamiliki wa nyumba nchini kuwapa fursa  wapangaji kulipa kodi ya mwezi mmoja mmoja badala ya miezi sita au mwaka.

Waziri Lukuvi ameyasema hayo  wakati akifungua jengo la ofisi ya makao makuu ya shirika la nyumba nchini (NHC).

Lukuvi amesisitiza kuwa wamiliki wa nyumba kuanzia sasa wanatakiwa kulipwa kila mwezi, ili iwape fursa wapangaji kuwa na maisha yanayowezekana kuishi maeneo ya mjini.

Hivi karibuni kumekuwepo na mjadala kuhusu namna ya kulipa kodi baada ya Naibu Waziri wa Ardhi, Nyumba na Maendeleo ya Makazi Mh. Angelina Mabula kuweka wazi kuwa wizara hiyo iko mbioni kuja na sheria itakayomwezesha mpangaji kulipa kodi kwa mwezi mmoja mmoja.

SOURCE: MWANANCHI