Wananchi wametakiwa kutoa taarifa wanapoona upatikanaji wa dawa katika vituo vya afya si wa kuridhisha.

DAR ES SALAAM. 

Wananchi wametakiwa kutoa taarifa wanapoona upatikanaji wa dawa katika vituo vya afya si wa kuridhisha.

Kaimu mkurugenzi wa fedha na mipango wa MSD Sako Mwakalobo,  amesema hayo wakati wa uzinduzi wa mpango mkakati wa kati uliopitiwa upya ambao utakamilika ifikapo 2020.

Mwakalobo amesema Wizara ya Afya imeweka mifumo rahisi ya kutoa taarifa ya ukosefu wa dawa na kuna nafasi ya malalamiko kupelekwa kwa mganga wa eneo husika au kupiga kwa mfamasia mkuu wa Serikali.

Mwakalobo amesema ununuzi na usambazaji wa dawa unafanyika kwa asilimia 80 na hadi kufikia Machi mwakani huduma itafikia asilimia 100.

Katibu Mkuu wa Wizara ya Afya, Dk Mpoki Ulisubisya ameitaka MSD kuongeza kasi ili kwendana na wakati uliopo.

 

 

SOURCE:MWANANCHI