Wananchi wa kijiji cha makibo kata ya Nyahua wilayani sikonge mkoani Tabora wamelalamikia ujenzi wa madaraja mabovu ya barabara .

TABORA

Wananchi wa kijiji cha makibo kata ya  Nyahua wilayani sikonge mkoani Tabora wamelalamikia ujenzi wa madaraja mabovu ya barabara za kijiji hicho yaliyojengwa chini ya kiwango hali inayopelekea wao kuendelea kupata adha ya usafiri.

Wakizungumza kijijini hapo baadhi ya wakazi hao wamesema madaraja hayo yamejengwa bila weledi kwa sababu hayana vipimo maalumu na pia yamewekewa udongo wa mfinyazi ambao baade utakuwa ni utelezi wakati wa mvua.

Akizungumza kwa njia ya simu Diwani wa kata ya makibo bwana Shija Nkwema amekiri madaraja hayo kujengwa chini ya kiwango na kwamba wapo katika hatu za kumrudisha mkandarasi aliyojenga madaraja hayo kufanya ukarabati .

Hata hivyo Diwani wa kata ya Nyahua  amewataka wananchi wa kijiji hicho kuwa watulivu kwa sababu serikali ipo kwa ajili ya kuwaletea wananchi maendeleo hivyo suala hilo litapatiwa ufumbuzi.