Chama cha Walimu CWT mkoa wa Katavi kimempongeza rais wa Tanzania Dk John Pombe Magufuli kwa kutangaza kutoa fedha bilioni 200 ili zilipe madeni ya ndani yakiwemo ya walimu.

KATAVI

Chama cha Walimu Tanzania(CWT)  mkoa wa Katavi kimempongeza rais wa Tanzania Dk John Pombe Magufuli kwa kutangaza kutoa fedha bilioni 200 ili zilipe madeni ya ndani yakiwemo ya walimu.

Akizungumza na Mpanda radio fm kwa njia ya simu katibu wa chama cha CWT mkoa wa Katavi mwalimu Hamiss Chinahova amesema hatua ya serikali kulipa madeni hayo italeta mageuzi makubwa katika sekta ya elimu.

Katika hatua nyingine amewataka waalimu kuendelea kujituma na kufanya kazi kwa weledi zaidi ili ilete tija kwa jamii na taifa kwa ujumla.

Mwaka 2017 walimu nchini Tanzania walitishia kugoma kwa kile walicho kitaja kuwa ni kukithiri kwa madai dhidi ya serikali wakisema inawavunja morari ya kazi.

Chanzo: Alinanuswe Edward