Marekani imeitaka Pakistan kutoyapa hifadhi makundi yale inayoyataja kushiriki katika vitendo vya kigaidi.

NEW YORK

Marekani imeitaka Pakistan kutoyapa hifadhi  makundi yale inayoyataja kushiriki katika vitendo vya kigaidi.

Majibizano hayo yametokea  katika Baraza la Usalama wakati wa mkutano kuhusu mahusiano ya Afghanistan na majirani zake wa Asia ya Kati pamoja na masuala ya amani na usalama.

Naibu Waziri wa Mambo ya nje wa Marekani John Sullivan amesema Marekani haiwezi kufanya kazi pamoja na Pakistan wakati ikiendelea kuyapatia hifadhi makundi ya kigaidi na imeitaka iache kufanya hivyo na kuunga mkono juhudi za kutatua mgogoro wa Afghanistani.

Kwa upande wake Pakistan imeutaka utawala wa Rais Donald Trump kushughulikia maeneo yanayolinda magaidi nchini Afghanistan pamoja na pato lao linalotokana na biashara ya madawa ya kulevya.

Chanzo:Dw swahili