Serikali ya Jamuhuri ya Muungano wa Tanzania imesema haina mpango wa kuuza wala kuteketeza meno ya tembo.

DAR ES SALAAM.

 Serikali  ya Jamuhuri ya Muungano wa Tanzania imesema haina mpango wa kuuza wala kuteketeza meno ya tembo  iliyonayo.

Hayo yameelezwa na , katibu mkuu wa Maliasili na Utalii, Meja Jenerali Gaudence Milanzi ambapo ameutaja uamuzi huo kuwa utasaidia kupambana na ujangili nchini na Afrika kwa ujumla.

Kwa kutambua uwepo wa zaidi ya tani 118 za meno hayo nchini ambayo wakati fulani wadau waliishauri Serikali ama kuyauza au kuyateketeza, katibu mkuu huyo alisema yataendelea kutunzwa.

Kwa mujibu wa makubaliano yaliyoridhiwa mwaka 1975 na mataifa mbalimbali duniani chini ya mkataba unaopiga marufuku biashara ya wanyama na mimea iliyo hatarini kutoweka (Cites), nchi zote zinapaswa kuteketeza nyara inazokamata au ilizonazo ili kuvunja nguvu masoko ya vitu hivyo duniani.

Hazina ya meno hayo iliyopo, Meja Jenerali Milanzi alisema imetokana na makusanyo yaliyofanywa tangu miaka ya 1960 kutoka kwa tembo waliokufa, operesheni za kupunguza idadi ya tembo na nyara zilizokamatwa kutoka kwa majangili.

SOURCE:MOO BLOG