Ujumbe wa Baraza la Usalama la Umoja wa Mataifa utakwenda Washington Jumatatu ijayo, kuchunguza mabaki ynayotokana na makombora yanayodaiwa yalitolewa na Iran kwa waasi wa Kihouthi nchini Yemen.

UMOJA WA MATAIFA

Ujumbe wa Baraza la Usalama la Umoja wa Mataifa utakwenda Washington Jumatatu ijayo, kuchunguza mabaki ynayotokana na makombora yanayodaiwa yalitolewa na Iran kwa waasi wa Kihouthi nchini Yemen.

Maafisa wa kibalozi wamesema baadaye ujumbe huo wa Baraza la Usalama utakutana na maafisa wa Ikulu ya White House.

Unatarajiwa kuonana na Rais Donald Trump wa Marekani, wakati utawala wake ukitafuta uungaji mkono wa Kimataifa dhidi ya Iran.

mwezi uliopita, balozi wa Marekani katika Umoja wa Mataifa Nikki Haley, aliwasilisha mabaki hayo kama ushahidi kwamba kombora lililofyatuliwa na waasi wa Houthi nchini Yemen dhidi ya Saudi Arabia mwezi Novemba, lilitengenezwa Iran.

#Changia Damu Okoa Taifa