Waziri Mkuu Kassim Majaliwa amewataka watumishi wa umma nchini wasijihusishe na vitendo vya wizi, ufisadi kwani Serikali haitosubiri kuwaundia tume za kuwachunguza bali itawashughulikia hapo hapo.

Waziri Mkuu Kassim Majaliwa

MARA

Waziri Mkuu Kassim Majaliwa amewataka watumishi wa umma nchini wasijihusishe na vitendo vya wizi, ufisadi kwani Serikali haitosubiri kuwaundia tume za kuwachunguza bali itawashughulikia hapo hapo.

Majaliwa amesema hayo akiwa mkoani Mara Wilayani Musoma na kudai kuwa Serikali haiko tayari kuwavumilia watumishi wanaojihusisha na wizi, ubadhilifu, rushwa na uzembe, hivyo ni vema viongozi waliopewa dhamana wahakikishe wanatekeleza majukumu yao kwa uadilifu.

 Aidha Waziri Mkuu amewasisitiza watumishi wa umma kufanya kazi kwa mujibu wa sheria kwa sababu vitendo vya wizi, uzembe vinachangia kupunguza kasi ya kuwaletea maendeleo Watanzania.

Mbali na hilo Waziri Mkuu aliwataka Wakuu wa idara na watendaji wengine wa halmashauri kuacha tabia ya kukaa ofisini na badala yake waende vijijini kwa ajili ya kuwafuata wananchi na kushirikiana nao katika kutatua kero mbalimbali zinazowakabili.

Chanzo:Eatv