Rais mpya wa Liberia George Weah amemfuta kazi Waziri wa Sheria,Charles Gibson.

Rais mpya wa Liberia George Weah

MONROVIA

Rais mpya wa Liberia George Weah amemfuta kazi Waziri wa Sheria,Charles Gibson baada ya malalamiko kuwa amepokonywa leseni ya uwakili baada ya kumtapeli mteja wake.

Kabla ya uteuzi wake,Gibson amepatikana na hatia hiyo na Mahakama ya Juu baada ya kumtapeli mteja wake Dola za Marekani elfu 25 na kuagizwa kuzirejesha.

Rais Weah amemteua Musa Dean aliyekuwa Wakili katika Tume ya Uchaguzi kuchukua nafasi hiyo.

Mwanasoka huyo nyota wa wa zamani wa Liberia alichaguliwa kuwa Rais na kuchukua nafasi ya Bi.Ellen Johnson Sirleaf ambaye alikuwa Rais wa kwanza mwanamke barani Afrika kuchaguliwa kidemokrasia ambaye alikabidhi madaraka kwa amani.

Chanzo:EATV

#Changia Damu Okoa Taifa