Wazee wilayani Mpanda wameipongeza serikali kwa kuimarisha huduma ya afya ikiwemo mpango wa matibabu bure kwa wazee.

MPANDA

Wazee  wilayani Mpanda mkoa wa Katavi wameipongeza serikali kwa kuimarisha huduma ya afya ikiwemo mpango wa matibabu bure kwa wazee.

Katika mazungumzo na Mpanda radio fm wameelezea namna wanavyo pewa kipaumbele tofauti na hapo awali ambapo iliwalazimu kubakia kwenye foleni wakisubiri matibabu.

Dokta Jafari  Kitambwa Mganga mkuu wa Hospitali ya Manispaa ya Mpanda amesema kuwa huduma zote zinatolewa bure kuanzia upimaji, matibabu na Upasuaji.

Pia amesema kuwa serikali imetenga wahudumu maalumu ambao wanahusika na utoaji huduma kwa wazee ili kuwatenganisha na makundi mengine hospitalini kuepusha msongamano wa wagonjwa.

Chanzo: EZELINA YUDA