ZAIDI YA SHILINGI MILIONI 152 ZIMECHANGWA NA WADAU WA ELIMU WILAYANI TANGANYIKA.

    Mkuu wa wilaya ya Tangayika Mh. Salehe Muhando akiwa na Mkuu wa Mkoa wa Katavi Meja Jenerali Mstaafu Raphael Muhuga.

KATAVI

Zaidi ya Shilingi milioni 152 zimechangwa na wadau wa elimu wilayani Tanganyika,ili kutatua matatizo ya miundombinu ya elimu wilayani humo.

Mkuu wa Mkoa wa Katavi Meja Jenerali Mstaafu Raphael Muhaga ambaye alikuwa mgeni rasmi katika hafla hiyo ambayo imefanyika Mpanda Mjini,ametoa wito kwa wadau wengine kuendelea kushirikiana na serikali ili kuleta maendeleo.

Kwa upande wake Mkuu wa wilaya ya Tangayika Salehe Muhando pamoja na mambo mengine amesema michango yote iliyopatikana lazima itumike kwa malengo yaliyokusudiwa.

Naye Mbunge wa jimbo la Mpanda vijijini Mh. Suleima Kakoso baada ya kuchangia kompyuta kwa shule za sekondari,vifaa vya ujenzi na fedha taslimu,amezishauri halmashauri Mkoani Katavi kuwashirikisha wadau wa maendeleo walioko ndani na nje ya halmashauri zao ili washiriki kuleta maendeleo.

Wadau wa elimu ambao wameshiki wanatoka taasisi za kifedha,wafanyabiashara,madiwani halmashauri ya wilaya ya Mpanda,wakuu wa idara wilayani Tanganyika,wakulima, pamoja na watu binafsi.

Souce:Issack Gerald