Waomba Eneo wazalishe Ajira na Mali

Na Mussa Mbeho.

WAJASIRIAMALI  wadogo wadogo wanaojishughulisha na utengenezaji wa  fenicha mbalimbali  mkoani Tabora wameiomba serikali kutenga  eneo maalumu litakalowasaidia kujenga kiwanda kikubwa ambacho kitasaidia kuongeza uzalishaji wa bidhaa zao pamoja na ajira kwa vijana mkoani humo.

Ombi hilo limetolewa leo na Bwana  Francis Beatus na Said Mrisho wakati wakizungumza na mpanda radio fm  mara  baada ya  kutembelea katika kiwanda hicho na kujionea jinsi ambavyo vijana hao wakiendelea na shughuli zao.

Aidha vijana hao wameongeza kuwa mbali na kukabiliwa na changamoto hiyo ya ukosefu wa eneo lakini pia wanakabiliwa na changamoto ya  upungufu wa vifaa vya kufanyia kazi hali ambayo inapelekea uzalishaji kungua siku hadi siku  na kufanya kazi yao kuwa ngumu zaidi.

Nae  Mkurugenzi mtendaji wa kiwanda hicho  Bw.  Manyambo Mrua amesema kiwanda hicho kimekuwa  kikitoa ajira na mafunzo ya ufundi kwa  vijana hivyo serikali inapaswa kuwasaidia kwa kutenga eneo ambalo litawasaidia kujenga kiwanda kikubwa ili  kuweza kutoa ajira zaidi kwa vijana pamoja na kuendeana na sera ya serikali ya uchumi viwanda.

Hata hivyo bwana murua ameiomba  serikali kuwasaidia katika kuboresha vitendea kazi na kuwatengea eneo  litakalo mudu kuongeza  wigo   wa ajira  kwa watanzania.