Wakazi wa Stalike Halmashauri ya Nsimbo walia na Serikali eneo la kuishi

 Wakazi wa kijiji cha Matandalani kata ya Stalike Mkoani Katavi wameiomba serikali kuwatengea maeneo kwajili ya  makazi na kilimo kutokana na adha wanayopata baada ya kuondolewa katika eneo la hifadhi.

Wamebainisha hayo wakati wakizungumza na Mpanda fm na kusema hali ya maisha kwa sasa sio nzuri kutokana na kutofanya shughuli za kilimo ambazo zimekuwa zikiwawezesha kuishi salama.

Mjumbe wa Serikali za Mitaa  katika eneo hilo amesema hata uongozi umeingia dosari kutokana na watu kuwa wengi na wasiojua hatma ya maisha yao baada ya kutofanya shughuli hizo za kilimo.

Wakazi wa eneo la makutanio waliondolewa na serikali katika kijji hicho na kwa sasa wengi wao wako katika kijiji cha Matandalani wakijaribu kufanya shughuri za machimbo ili kupata mahitaji ya chakula.

  Chanzo: Ester Baraka