Wafanyabiashara Mpanda wampa TANO Waziri Mkuu

Baadhi ya wafanyabiashara  katika Halmashauri ya Manispaa ya Mpanda mkoani Katavi  wamesema kauli ya waziri mkuu kwa Mamlaka ya Mapato Tanzania (TRA)  itawasaidia kufanya biashara zao katika mazingira mazuri tofauti na hapo awali.

Wameyasema hayo wakati wakizungumza na Mpanda Redio kwa nyakati tofauti ambapo wameeleza kuwa hapo awali TRA walikuwa wanatumia nguvu na lugha ambazo si rafiki kwao wakati wakikusanya kodi hivyo kuleta kero katika shughuli zao za kibiashara.

Hata hivyo wameiomba serikali kuweka msisitizo kwa TRA ili waweze kuongeza nguvu katika kutoa elimu juu ya mlipa kodi ili kila mfanyabiashara aweze kupata elimu hiyo ambayo itarahisisha ukusanyaji wa kodi.

Siku ya jana katika kipindi cha maswali bungeni Waziri Mkuu Kassim Majaliwa ameionya Mamlaka ya Mapato Tanzania (TRA) kutokutumia lugha za kuudhi wanapokwenda kudai kodi kwa wafanyabishara huku akionya hatua zitachukuliwa kwa wenye tabia hizo.

Chanzo:Rebeka Kija