Jeshi la zimamoto na uokoaji Mkoani Katavi limewataka wachimbaji wadogo wa madini kufukia mashimo yote yaliyowazi.

KATAVI.

Jeshi la zimamoto na uokoaji Mkoani Katavi limewataka wachimbaji wadogo wa  madini mkoani hapa kufukia mashimo yote yaliyowazi.

Kauli hiyo imetolewa na Mkaguzi Msaidizi wa Jeshi la Zimamoto na uokoaji Mkoani Katavi Izrael Butika Ili kuepukana na majanga ya ufukiwaji na vifusi pamoja na maporomoko yanayoweza kutokea  kutokana  na maji ya mvua katika kipindi hiki.

Ameongeza kuwa katika  kipindi hiki  cha Mvua ni vizuri kwa wachimbaji hao wa madini kutawanya vifusi vyote sambamba na kutoziba njia rasmi za maji katika maeneo yao na kuhakikisha mashimo wanayochimba wanayawekea matimba.

 

Aidha amewashauri wamiliki wa migodi kuwawekea mazingira mazuri na kuwasimamia wachimbaji wadogo kufuata sheria za usalama mahali pakazi.