Mtu mmoja mkazi wa Kijiji cha Mnyaki A kata ya Katumba amenusurika kuuwawa baada ya watu wanaosadikiwa kuwa majambazi kuvamia nyumbani kwake usiku .

MPANDA.

Mtu mmoja anayefahamika kwa jina la James Modest mkazi wa Kijiji cha Mnyaki A kata ya Katumba Wilayani Mpanda  amenusurika kuuwawa baada ya watu wanaosadikiwa kuwa majambazi kuvamia nyumbani kwake  usiku wa kuamkia leo.

Kwa mjibu wa James Modest ambaye ni Mhanga wa tukio hilo amesema ameporwa fedha taslimu shilingi laki saba,vifaa vya sola za umeme na simu mbili kubwa na ndogo vyote vikiwa na thamani inayokadiriwa kuwa shilingi milioni moja.

Mwenyekiti wa kijiji cha Mnyaki A Bw. Kisele Meshack amethibitisha tukio hilo na kusema kuwa tukio hilo limetokea usiku majira ya saa 7 usiku.

Tukio hilo linatajwa kuwa miongoni mwa matukio manne ya kutoka katika kijiji cha Mnyaki kata ya Katumba ambapo katika kipindi cha mwezi Januari hadi Oktoba mwaka huu hakuna mauaji yaliyotokea bali uporaji wa mali na watu kujeruhiwa.

SORCE:Issack Gerald