Wakazi wa kata ya Itenka iliyopo halmashauri ya Nsimbo wameiomba serikali kuwatengezea barabara ya Imilamate-Itenka hadi Mpanda.

NSIMBO

Wakazi wa kata ya Itenka iliyopo halmashauri ya Nsimbo mkoani Katavi wameiomba serikali kuwatengezea barabara ya Imilamate-Itenka hadi mjini Mpanda.

Kwa mujibu wa baadhi ya wananchi hao wameiambia mpanda radio kuwa licha ya barabara hiyo kuwa kitovu cha mawasiliano lakini imetelekezwa na serikali.

Wamsema wanahofia uhakika wa barabara hiyo kupitika hasa katika musimu huu wa mvua kwani imekuwa ikikatika na wao kubaki wako kisiwani.

Akijibu hoja za wananchi hao mwenyekiti wa halmashauri ya Nsimbo Rafael Kalinga amesema tayari halmashauri imeshawasilisha makadirio ya barabara zote kwa wakala wa barabara vijijini na mijini (TARURA) wanachosubiri ni utekelezaji

Bwana Kalinga amewataka wananchi kuwa wavumilivu wakati huu ambapo bado barabara hiyo ipo kwenye mchakato wa matengenezo.

CHANZO: HARUNA JUMA .