Wakazi wa mkoa wa Katavi wametakiwa kuwa walinzi wa kutunza miundo mbinu ya umeme ili waweze kupata huduma nzuri na kupunguza kukatika kwa umeme.

KATAVI.

Wakazi wa mkoa wa Katavi wametakiwa kuwa walinzi wa kutunza miundo mbinu ya umeme ili waweze kupata huduma nzuri  na kupunguza kukatika kwa umeme mara kwa mara.

Yamebainishwa hayo na meneja wa shirika la umeme (TANESCO) mkoa wa katavi mhandisi Julius Sabu wakati akizungumza na mpanda redio ambapo amesema  wananchi wamekuwa wakichangia kuharibika kwa miundombinu hiyo.

Aidha amesema kuwa shirika la umeme linafanya utaratibu wa kutenganisha laini za makazi ya watu na maeneo ya viwandani ili kuondosha tatizo la kukatika kwa umeme unaotokana na matatizo yanayosababishwa na viwanda kutumia laini moja na watumiaji wa kawaida.

Hata hivyo amewaomba wananchi kujenga tabia ya kutoa taarifa pale wanapoona kuna shida ya umeme katika maeneo yao ili kurahisisha kazi na kutatua changamoto kwa haraka.

CHANZO: REBECCA KIJA .