Wanawake wote wajawazito katika kijiji cha Mtambo kata ya Katumba Wilayani Mpanda Mkoani Katavi,wanalazimika kubeba maji kutoka nyumbani na kuyapeleka katika zahanati ya Mtambo iliyopo kijijini hapo ili yatumike wakati wakijifungua.

Na Issack Gerald

Wanawake wote wajawazito katika kijiji cha Mtambo kata ya Katumba Wilayani Mpanda Mkoani Katavi,wanalazimika kubeba maji kutoka nyumbani na kuyapeleka katika zahanati ya Mtambo iliyopo kijijini hapo ili yatumike wakati wakijifungua.

Mganga mfawidhi wa zahanti hiyo Dkt.Daud Mashama amesema wanawake wajawazito wasipokuja na maji hulazimika kufuata maji mto Lutonya uliopo umbali wa kilomita 8 kutoka zahanati ya Mtambo.

Katibu wa kijiji cha Mtambo Bw.Fenias Fulujensi amesema wanasubiri uwekaji wa mitambo katika kisima kilichochimbwa huku kaimu Afisa Mtendaji Kata ya Katumba Bi.Lucy Kagine akisema suala hilo linafanyiwa kazi.

Hivi karibuni wananchi wa Kata ya Katumba walilalamika kukosa maji ya chanzo cha maji ya Ikorongo wakisema maji usafirishwa kutoka Katumba mpaka Mpanda Mjini na wao kukosa huduma hiyo licha ya chanzo hicho kuwa katika kata yao serikali haiwatendei haki.

Juhudi za kuwatafuta uongozi wa Halmashauri ya wilaya ya Nsimbo kuhusiana na tatizo hilo zinaendelea.