Aliyekuwa Mkurugenzi wa Shirika la Utangazaji Tanzania TBC,Tido Mhando amefikishwa mahakamani jijini Dar es Salaam kwa mashtaka ya matumizi mabaya ya Madaraka.

Aliyekuwa Mkurugenzi wa Shirika la Utangazaji Tanzania TBC Tido Mhando

DAR ES SALAAM

Aliyekuwa Mkurugenzi wa Shirika la Utangazaji Tanzania TBC,Tido Mhando amefikishwa mahakamani jijini Dar es Salaam kwa mashtaka ya matumizi mabaya ya Madaraka.

Tido Mhando,ambaye kwa sasa ni Mkurugenzi wa Azam Media alifikishwa katika mahakama ya Kisutu jana na kusomewa dhidi mashtaka yake.

Wakili wa Taasisi ya Kupambana na Rushwa Tanzania (Takukuru) Leonard Swai amemwambia hakimu mkazi mkuu Mahakama ya Hakimu Mkazi Kisutu Victoria Nongwa kuwa Mhando anatuhumiwa kwa mashtaka matano.

Anatuhumiwa kwa matumizi mabaya ya madaraka alipokuwa akilitumikia shirika hilo la Utangazaji la Serikali TBC pamoja na kulitia hasara ya shilingi milioni 897.

Mhando anadaiwa kutenda makosa hayo mwaka 2008 alipokuwa Mkurugenzi Mkuu wa TBC.

Hata hivyo amekana mashtaka yote na kuachiwa kwa dhamana ambapo kesi imeahirishwa hadi Februari 23 mwaka huu  kwa ajili ya kusomewa maelezo ya awali.

Chanzo :Bbc swahili

#Changia Damu Okoa Taifa