NSIMBO

Kituo cha kulea watoto wanaoishi katika mazingira magumu na yatima Gethseman kilichopo kata ya litapunga halmashauri ya Nsimbo mkoani katavi kinakabiliwa na changamoto mbalimbali ikiwemo uchakavu wa mabweni.

Hayo yamesemwa na Katibu wa kituo hicho Bruda Samweli Edward Lumanyika wakati akizungumza na wafanyakazi wa mpanda radio katika kituo hicho wakati walipotembelea kituoni hapo kwa ajili ya kupeleka msaada kwa watoto wa kituo hicho.

Aidha bruda samweli amesema kituo kimekua kikisaidia serikali kuhifadhi watoto ambao wanakabiliwa na matatizo ya unyanyasaji wa kijinsia na kuiomba serikali kuona umuhimu wa kusaidia kituo hicho ili kuweza kuwasaidia katika kutimiza malengo ya watoto hao.

Kwa upande wao watoto wa kituo hicho wameishukuru mpanda radio kwa kuona umuhimu wa kuwasaidia na kuiomba jamii kujitokeza na kusaidia changamoto zinazowakabili.

Kituo cha Gestheman kilianzishwa mwaka 1993 kikiwa na lengo la kulea watoto yatima  pamoja na watoto wanaolelewa katika mazingira magumu kwa kutegemea kilimo.

CHANZO:RESTUTA NYONDO