Ruksa kutumia kitambulisho cha Taifa na cha kupigia kura kupata cheti cha kuzaliwa.

DAR ES SALAAM.

Wakala wa Usajili Ufilisi na Udhamini (Rita) umesema kuanzia sasa ni ruksa kutumia kitambulisho cha Taifa na cha kupigia kura kupata cheti cha kuzaliwa.

Kaimu Ofisa Mtendaji, Emmy Husdon amesema wakati akitoa taarifa kwa Katibu Mkuu wa Wizara ya Katiba na Sheria, Profesa Sifuni Mchome wakati wa ziara katika ofisi za wakala huo jijini Dar es Salaam.

Husdon amesema mafanikio katika mfumo wa usajili wa vizazi na vifo kupitia mradi wa maboresho ya miundombinu ya Tehama (RCIP), ambao umetekelezwa kwa majaribio mikoa ya Geita, Shinyanga na Dar es Salaam umekwisha kusajili vizazi 6,794 na vifo 271.

Amesema katika usajili huo, mfumo umeweza kuunganishwa moja kwa moja na Tume ya Taifa ya Uchaguzi (NEC) na Mamlaka ya Vitambulisho ya Taifa (Nida).

SOURCE:MWANANCHI

#Chagia Damu Okoa Taifa