Waziri wa Mambo ya Ndani ya Nchi Dk Mwigulu Nchemba amewaagiza viongozi wa mkoa wa Morogoro kusimamia kazi ya usajili na utambuzi wa watu kwa ajili ya kupewa vitambulisho vya Taifa.

MOROGORO

Waziri wa Mambo ya Ndani ya Nchi Dk Mwigulu Nchemba amewaagiza viongozi wa mkoa wa Morogoro kusimamia kazi ya usajili na utambuzi wa watu kwa ajili ya kupewa vitambulisho vya Taifa.

Dk Nchemba ametoa agizo hilo jana baada ya kuzindua kazi ya usajili na utambuzi inayofanywa na Mamlaka ya Vitambulisho vya Taifa (NIDA).

Dk Nchemba amewataka viongozi wakiwamo watendaji na wenyeviti wa Serikali za mitaa kuhakikisha hakuna mtu ambaye si raia wa Tanzania anapewa kitambulisho.

Akisoma taarifa ya utendaji kazi wa mamalaka hiyo, Kaimu mkurugezi Mkuu wa NIDA, Andrew Massawe alisema tayari mashine 200 zimesambazwa ili kukidhi mahitaji ya usajili na kuhakikisha ifikapo Aprili 30 mwaka huu kazi iwe imekamilika.

Kaimu mkurugenzi huyo ameitaja mikoa ambayo imefanya vizuri katika kazi hiyo ya usajili na utambuzi kuwa ni Iringa, Mara, Simiyu, Arusha, Geita, Mwanza, Ruvuma, Kilimanjaro na Lindi.

Chanzo:Mwanananchi

#Changia Damu Okoa Taifa