VIONGOZI WATAKIWA KUTENDA HAKI

Mchungaji Shakiland Foya wa Kanisa La KKKT usharika wa Mpanda Mjini Akihubiri katika ibada ya Pasaka 

Viongozi waliopewa nafasi ya kuongoza katika Taifa kupitia Nyanja mbalimbali wametakiwa kusimamia nafasi zao katika  kutenda haki

Akizungumza baada ya ibada ya Pasaka Mchungaji wa Kanisa wa KKKT Usharika wa Mpanda mjini Mchungaji Shakiland Foya amewasihi Viongozi hao huku akibainisha kuwa haki huinua Taifa.

Aidha amewataka watanzania kupendana na kudumisha amani, huku wakiamini kuwa kifo na hatimaye kufufuka kwa Yesu Kristo, ni ishara tosha kwamba mwisho wa matatizo yanayomkabili kila mtu katika maisha yake umekaribia.

Akifafanua salamu zake hizo mchungaji Foya amesema kama ilivyotokea kwa Yesu Kristo, watanzania na hususani waumini wa dini ya Kikristo wanapaswa kuwa na imani kuwa matatizo pamoja na shida mbali mbali zinazowakabili mwisho wake umekaribia.

CHANZO:Edward Mganga