MADEREVA WA BAJAJI MPANDA WALIA NA SUMATRA

Madereva bajaji Manispaa ya Mpanda wameilalamikia mamlaka ya udhibiti wa usafiri wa nchi kavu na majini SUMATRA kwa kutotoa mrejesho wa kutopewa namba za usajili licha ya kukamilisha vigezo vyote vinavyotakiwa.

Wamesema hayo wakati wakizungumza na mpanda radio na kueleza kuwa zoezi hilo la ugawaji namba za usajili na kupewa vituo rasmi limesimama ghafla bila kupewa taarifa yoyote.

Kwa upande wake  Meneja wa Udhibiti  wa usafiri wa nchi kavu  na majini  Sumatra Mkoa wa Katavi Amani Mwakalebela amesema kuwa zoezi la ugawaji namba kwa bajaji litaendelea baada ya stendi kuu ya mabasi kukamilika.

Stendi kuu ya mabasi yaendayo mikoani ambayo ipo katika hatua ya mwisho inatajwa kuwa miongoni mwa stendi za kisasa nchini Tanzania ikiunganishwa pamoja na fulsa kwa wafanyabiashara.

Chanzo:John John