Wananchi Mpanda waishauri serikali ujio wa Mwenge Katavi

Wananchi wa Manispaa ya Mpanda Mkoani Katavi wameiomba serikali kutoa elimu juu ya umuhimu wa mwenge wa uhuru katika kuhamasisha maendeleo.

Wamebainisha hayo wakati wakizungumza na Mpanda Radio na kusema kuwa elimu inapaswa itolewe kwa wananchi kuhusu mwenge na kushauri kuangalia msimu kwani mkoani hapa kipindi cha masika huwa ni changamoto hivyo huwawia vigumu hata katika kushughulikia fursa za kujitafutia kipato.

Aidha Mwenge wa uhuru utakagua na kuzindua  miradi mbalimbali ya maendeleo mkoani katavi.

Tarehe 2 mwezi wa tano  Halmashauri ya Manspaa ya Mpanda inatarajia kupokea Mwenge wa Uhuru katika uwanja wa ndege na mkesha utafanyika katika viwanja vya shule ya msingi  Kashato huku kauli mbiu kwa mwaka huu ikiwa ni elimu ni ufunguo wa maisha wekeza sasa kwa maendeleo ya Taifa.

Chanzo:Johar Secky