Wananchi kijiji cha Mtakuja wasema kukosekana kwa soko kunawaongezea umasikini

Wakazi wa kijiji cha Mtakuja kilichopo Halmashauli ya wilaya ya Nsimbo Mkoani Katavi wamesema,ukosefu wa soko la kuuza bidhaa wanazozalisha shambani kunasababisha waendelee kuwa maskini.

Wakazi hao wamesema kwa sasa wanalazimika kuuza kwa kuzungunguka mitaani kutokana na kutokuwepo kwa soko hilo.

Kwa upande wake mwenyekiti wa kijiji cha Mtakuja Bw.Daud Peter Nyasio amekiri kuwepo kwa tatizo la ukosefu wa soko huku akisema kuna mikakati ya kuanzisha soko la kijiji pamoja na soko la kata ya Kapalala litakalohudumia vijiji vitatu vya kata hiyo.

Kijiji cha Mtakuja kina zaidi ya wakazi elfu tatu waliopo katika vitongoji vya Igonda,Mtakuja B,Mbugani,Bombani na Tenkini ambapo wengi wao hujishghulisha na kilimo cha mazao mbalimbali yakiwemo mahindi,karanga na tumbaku.

Chanzo:Isaack Gerlad