Mwenge wazindua miradi yenye thamani ya shilingi milioni 800 Mpanda

Miradi  10 ya  maendeleo  yenye thamani ya shilingi milioni 800 imezinduliwa na mwenge wa Uhuru katika Halmashauri ya Manispaa ya Mpanda mkoani Katavi.

Baadhi ya miradi iliyo zinduliwa ni Kisima cha maji, zahanati ya Milala, klabu za kupambana na rushwa , mimba za utotoni pamoja na barabara ya  kiwango rami yenye urefu wa km1.

Kiongozi wa mbio za mwenge kitaifa Chales Kabeho amewataka wananchi kutumia  vizuri miradi iliyo zinduliwa ili idumu kwa muda mrefu na maslahi ya jamii.

Katika hatua nyingine ameiasa jamii kupinga kwa pamoja mimba za utotoni ambazo zinakatisha ndoto za wanafunzi.

Mbio za mwenge mwaka huu zinaoongozwa na  kauli mbiu ya elimu ni ufunguo wa maisha wekeza sasa kwa maendeleo ya Taifa.

Chanzo:Mpanda Radio