Wanajamii watakiwa Kuzingatia Usawa kulinda haki za wenye Ualibino

Na, Rehema Msigwa

SERIKALI ya Mkoa wa Katavi imeweka bayana  mpango wake wa kuwasaidia watu wenye Ualbino, kupata vifaa mbali mbali kujikinga na miali ya jua akiwemo matibabu.

Meza kuu wakifatilia jambo wakati wa maadhimo ya siku ya ualbino.

Hayo yamesemwa na mkuu wa wilaya ya Mpanda Lilian Charles Matinga katika maadhimisho ya watu wenye Ualbino duniani yaliyofanyika katika uwanja wa Kashaulili uliopo halmashauri ya Manispaa ya Mpanda kimkoa, ambapo ametumia muda huo kuikumbusha jamii kuhusu usawa katika muktadha wa binadamu wote bila kujali mapungufu waliyo nayo.

"watu wenye ualbino ni binadamu kama sisi, tena wengine wana uwezo kushinda hata sisi tunajiona ni wazima, tofauti yao na sisi ni rangi ya ngozi lakini hilo lisifanye sisi kuwaona hawafai,"Alisema Lilian

Baadhi ya waliohudhuria.

Sanjari na nasaha hizo amewataka wanganga wakienyeji wanao jihusisha na ramli chonganishi kuacha mara moja  kwani mara kadhaa vifo vya watu wenye ualbino nchini Tanzania vimekuwa vikihusishwa moja kwa moja na imani potofu zinazo sababishwa na waganga hao.

Kwa upande wa Afisa maendeleo ya jamii Mkoa wa Katavi Anna Shumbi amesema kuwa idadi ya watu wenye ualbino  Mkoa wa Katavi ni 88 katika halmashauri tano ambapo idadi ya   wanawake 41 na wanaume 47.

kwa upande wao baadhi ya watu wenye ualibino wameomba serikali kuendelea kuwawekea ulinzi na kuwasaidia katika mahitaji muhimu ikiwemo kofia za kujikinga na jua pamoja na mafuta maalumu ya kulinda ngozi zao.

"tunaomba serikali na wadau wengine watusaidie kofia, mafuta na kuendelea kutuimarishia ulinzi lakini serikali iendelee kuwaelimisha waganga wanaojihusisha na ramli kuacha ramli ambazo zinadhuru maisha yetu, sisi ni binadamu kama wengine hivyo jamii isituangalie tofauti." walisema wenye Ualibino

Kauli Mbiu ni Takwimu na tafiti kwa ustawi wa watu wenye ualbino mkoa wa Katavi.