WAKAZI wa kata ya Mpanda Hotel wamelalamikia uwepo wa taka katika makazi yao kwa muda mrefu hali kuhofia magonjwa ya mlipuko.

Kizimba cha kutunzia taka

MPANDA

WAKAZI wa kata ya Mpanda Hotel Manispaa ya Mpanda wamelalamikia uwepo wa taka katika makazi yao kwa muda mrefu hali inayosababisha kuhofia magonjwa ya mlipuko.

Wakizungumza na Mpanda radio wamesema uchafu umerundikana majumbani na barabarani kwa zaidi ya wiki tatu bila kuzolewa licha ya kila mwezi kuchanga pesa kwa ajili ya uzoaji taka.

Mwenyekiti wa kikundi cha kuzoa taka katika Kata ya Mpanda Hotel Bw. Emmanuel Mgiuna amesema wanashindwa kuzoa taka kwa sababu hakuna gari wala kizimba kwa ajili ya kukusanyia uchafu.

Kwa upande wake Afisa mtendaji wa kata ya Mpanda Hotel Bw.Hamidu Sungura amekataa kuzungumzia tatizo la mrundikano wa taka katika Kata ya Mpanda Hotel huku naye Bibi Afya wa kata hiyo Bi.Grace Kunchela kwa sharti la kutorekodiwa sauti akisema zoezi la kuzoa litaanza kesho

Source Mdaki Hussein