Wafanyabiashara wa soko la Mpanda Hoteli lililoko Halmashauli ya Manispaa ya Mpanda wameiomba serikali kuwaboreshea miundo mbinu ya soko hilo kama walivyoahidiwa na mkurugenzi wa manispaa hiyo.

Wameyasema hayo walipozungumza na Mpanda Radio na kusema kuwa kuchelewa kwa uboreshwaji wa soko hilo kunaathiri biashara zao hasa katika kipindi cha mvua na huku wanalipia tozo .

Mwenyekiti wa soko hilo Boniface Mganyasi amesema kuwa yapata miezi mitatu serikali iliahidi kuwaboreshea soko hilo lakini mpaka sasa hawajapata mrejesho wowote.

Uboreshaji wa masoko ni mpango mkakati uliopo katika halmashauri ya Manspaa ya Mpanda kwaajili ya kuhahakisha masoko hayo yanakua na mazingira bora kwa wafanyabiashara.

Chanzo:Furaha Kimondo