UBORESHWAJI WA VISIMA VYA MAJI SONGAMBELE KUTATUA KERO KWA WANANCHI

Serikali ya kijiji cha Songambele Halmashauri ya Wilaya ya Nsimbo Mkoani Katavi imesema,inachukua hatua za haraka kuhakikisha inakarabati visima vya maji vilivyoharibika.

Mwenyekiti wa kijiji hicho Bw.Beato Kambimbaya amesema,muda wowote huduma ya maji itakuwa vizuri kwa kuwa fedha za kukarabati wa visima ipo na kinachosubiriwa ni kuidhinishiwa matumizi.

Aidha amesema halmashauri inaendelea kuchunguza usalama wa maji yanayotumiwa na wakazi wa kijiji cha Songambele ili kubaini usalama wake.

Hivi karibuni wakazi wa kijiji cha Songambele walilalamikia tatizo la mabomba ya maji kuharibika mara kwa mara huku baadhi ya wananchi wakihofia baadhi ya visima kutokuwa na maji safi na salama.

Kijiji cha Songambele chenye zaidi ya wakazi elfu nne,kwa sasa kina visima vitano huku vitatu kati ya hivyo ndivyo vinavyotumiwa na wakazi.