Baadhi ya wamiliki wa viwanda vya mpunga maeneo ya mpanda hotel mkoano Katavi wameiomba serikali kuboresha miundombinu ikiwemo barabara.

MPANDA.

Baadhi ya wamiliki wa viwanda vya mpunga maeneo ya mpanda hotel Katika manispaa ya Mpanda Mkoani Katavi wameiomba serikali kuboresha miundombinu ikiwemo barabara zinazoingia na kutoka viwandani ili kukuza uchumi wa viwanda.

Wakizungumza na mpanda redio wamesema katika msimu wa mvua  magari yanayopeleka na kuchukua mizigo viwandani hapo yamekuwa yakikwama kutokana na miundombinu ya barabara kuwa mibovu hali inayorudisha nyuma maendeleo ya viwanda.

Aidha wameongeza kuwa  ili kufikia Tanzania ya viwanda lazima serikali itengeneze mazingira mazuri ambayo yatawavutia wawekezaji  wa viwanda kuendelea kufanya kazi katika maeneo hayo.

Serikali ya Awamu ya tano nchini Tanzania inayoongozwa na Rais John Magufuli imeweka msisitizo katika viwanda ili kuinua uchumi wake.

Source Rebecca Kija.