Kamanda wa polisi Mkoa wa katavi ametoa wito kwa wananchi kuacha tabia ya kujichukulia sheria mkononi dhidi ya watuhumiwa wa makosa mbalimbali wakati wanapowakamata.

 

Kamanda wa polisi Mkoa wa katavi ACP Damasi Nyanda

KATAVI

Kamanda wa polisi Mkoa wa katavi ACP Damasi Nyanda ametoa wito kwa wananchi  kuacha tabia ya kujichukulia sheria mkononi dhidi ya watuhumiwa wa makosa mbalimbali wakati wanapowakamata.

Kamanda Nyanda ametoa wito huo wakati akizungumza na wakazi wa kijiji cha Kalovya kata ya Inyonga ambapo amesema suala la kuchoma moto watuhumiwa halikubaliki badala yake watuhumiwa wafikishwe katika vyombo vya sharia.

Amesema zaidi ya watu wapatao 77 wameuawa wilayani Mlele kwa kipindi cha mwaka 2015 huku mpaka kufikia mwaka huu kwa mujibu wa kamanda Nyanda watu wapatao 150 wameuawa kutokana na wananchi kujichukulia sheria mkononi. 

 

Kwa upande wa makosa ya ubakaji,kamanda Nyanda amesema mpaka mwezi Juni mwaka huu makosa 46 ya ubakaji yameripotiwa katika jeshi la polisi huku visa vya watu kujinyonga,kukutwa wamekufa navyo vikionekana kuwa katika hali ya juu.

@habari na mwandish wetu Issack Gerald