IDARA ya maendeleo ya ustawi wa jamii Manispaa ya Mpanda inaendesha semina kwa watu wenye ulemavu ili kuwapatia elimu ya namna ya kujikwamua na umaskini.

MPANDA

IDARA ya maendeleo ya ustawi wa jamii Manispaa ya Mpanda  inaendesha semina kwa watu wenye ulemavu ili kuwapatia elimu ya namna ya kujikwamua na umaskini.

Mwenyekiti wa shirikisho la vyama vya watu wenye ulemavu Tanzania (SHIVYAWATA)  Mkoani Katavi Issack Lucas Mlela  amethibitisha hatua hiyo ambapo amesema semina hiyo itakuwa dira ya kufanya shughuli za maendeleo na zenye tija.

Mwezi uliopita,SHIVYAWATA Mkoani Katavi lilisikika likilalamika kusahaulika kwa watu wenye ulemavu katika fursa za maendeleo hususani katika ugawaji wa mikopo kwa vikundi vya wajasiliamali kutoka idara za maendeleo ya jamii.

Mkoa Wa katavi unakadriwa kuwa na watu wenye ulemavu zaidi ya 2000 huku wakigawanyika katika makundi ya watu wasioona,wenye usonji,ulemavu wa ngozi albino,ulemavu wa viungo,kutosikia(viziwi) na wenye mtindio wa ubongo.