JUMLA ya wanafunzi 14 katikaWilaya ya Nsimbo Mkoani Katavi,wamepata ujauzito katika kipindi cha mwezi Januari hadi juni mwaka huu.

MPANDA

JUMLA ya wanafunzi 14 katika Halmashauri ya Wilaya ya Nsimbo Mkoani Katavi,wamepata ujauzito katika kipindi cha mwezi Januari hadi juni mwaka huu.

Takwimu hiyo imetolewa na Afisa ustawi wa jamii wa halmashauri hiyo Dianarose Mnuo wakati akizungumza na Mpanda Radio kuhusu namna wanavyodhibiti mimba za utotoni na utoaji  elimu kwa jamii.

Kati ya wanafunzi hao 14,wanafunzi watano wanatoka shule ya msingi za Ugalla,Katumba na Kanoge huku 9 wakitoka Shule za sekondari Katumba,Nsimbo na Sitalike.

Hata hivyo leo mkoa wa Katavi unafanya kongamano ili kujadili matatizo ya mtoto wa kike  ikiwa ni kuelekea kilele cha maadhimisho ya siku kike Duniani yanayoadhimishwa Oktoba 11 ya kila mwaka.

Kitaifa mwaka huu yanaadhimishwa Mkoani Mara  ambapo Kaulimbiyu inasema’’Siku ya kimataifa ya mtoto wa kike,tokomeza mimba za utotoni tufikie uchumi wa viwanda’’

@Habari na Rebeka Kija.