Chama tawala nchini Zimbabwe ZANU-PF kimemtaka Rais Robert Mugabe ajiuzulu.

Rais  wa zimbabwe Robert Mugabe

HARARE

Chama tawala nchini Zimbabwe ZANU-PF kimemtaka Rais Robert Mugabe ajiuzulu.

Matawi ya chama hicho katika majimbo yote 10 yamekutana jana na ya memtaka Mugabe na mkewe Grace ambaye azma yake ya kutaka kurithi madaraka kutoka kwa mumewe imechochea mzozo wa kisiasa,kujiuzulu kutoka kwenye chama hicho.

Viongozi wa chama hicho wamesema watamshinikiza kiongozi huyo kuondolewa katika uongozi wa chama ifikapo kesho na kisha bunge litapiga kura ya kutokuwa na imani naye.

ZANU-PF leo kimeitisha maandamano kuliunga mkono jeshi kwa kuchukua madaraka na kumshinikiza Mugabe ajiuzulu na kesho kikitarajia kutafanya mkutano maalamu wa kamati kuu kujadili yanayojiri kisiasa nchini humo. Waziri wa mambo ya nje wa Marekani Rex Tillerson amewaambia mawaziri wa mambo ya nje wa nchi za Afrika wanaotarajiwa kuhudhuria mkutano mjini Washington kuwa anahimiza kurejea haraka kwa utawala wa kiraia Zimbabwe.

Wakati huo huo,China imesema inatumai kuwa hali ya kisiasa inayoendelea Zimbabwe itasuluhishwa kulingana na sheria na utulivu uterejea nchini humo.

Source Dw swahil