JAMII Mkoani Katavi imeaswa kushirikiana ipasavyo na kamati ya kulea baraza la watoto wenye ulemavu kuwafichua watoto waliofichwa majumbani ili wapatiwe haki ya elimu.

MPANDA

JAMII Mkoani Katavi imeaswa kushirikiana ipasavyo na kamati ya kulea baraza la watoto wenye ulemavu iliyopo Wilayani Mpanda Mkoani Katavi kwa kuwafichua watoto waliofichwa majumbani ili wapatiwe haki ya elimu.

Wito huo umetolewa jana na Meneja wa Mradi wa elimu jumuishi Tanzania Alani Kamunde wa shirika la International Aid Service,kupitia kikao cha kupokea,kujadili,kutathimini na kupanga mikakati ya namna ya kuyapatia ufumbuzi matatizo yanayowakabili watoto wenye ulemavu Mkoani Katavi.

Kwa upande wake mratibu wa mradi wa elimu Jumuishi mikoa ya Rukwa na Katavi Bi.Veronica Mavanza amesema,matatizo yanayowakabili watoto wenye ulemavu yaliyobainishwa na kamati ya kulea  baraza la watoto wenye ulemavu wameyachukua na watashirikisha jamii ipasavyo kuyapatia ufumbuzi.

Nao baadhi ya wajumbe wa kamati hiyo inayolea watoto wenye ulemavu wamesema uwepo wa mradi wa elimu Jumuishi Mkoani Katavi umesaidia jamii kutambua haki za watoto wenye ulemavu ikiwemo kuwapeleka shule na kuwapatia haki nyingine muhimu za kibinadamu.

Mradi wa elimu Jumuishi uliopo katika mikoa ya Rukwa na Katavi pekee hapa nchini,unaratibiwa na shirika la IFI lenye makao makuu Mkoani Arusha likijumuisha washirika watatu ICD,IAS na kanisa la FPCT

Source ISSACK GERALD