Wanawake nchini wametakiwa kuwa tayari katika kufanya kazi pamoja na kuzitumia ipasavyo fursa mbalimbali za kujiendeleza kimaisha.

 

 

ZANZIBAR

Wanawake nchini  wametakiwa  kuwa tayari katika  kufanya kazi pamoja na kuzitumia  ipasavyo  fursa mbalimbali  za kujiendeleza  kimaisha ili kwenda sawa na malengo ya serikali  ya kukuza uchumi na kupunguza umaskini.

Mratibu wa Kampeni ya kuhamasisha wanawake na  kutoa elimu ya kutengeneza  bidhaa mbalimbali za ujasiriamali Abla Mohammed Baraka amesema  wanawake  wamekuwa wakichangia pato la taifa  hivyo  ni vyema kusimama imara katika kujiunga na  vikundi  vya ushirika ili kujikimu na kuondokana na utegemezi.

Amesema utegemezi wa wanawake katika familia  unachangia kwa kiasi  kikubwa kufanyiwa vitendo vya udhalilishaji  hivyo ni vyema   kujiamini  katika kufanya shughuli za maendeleo ili kujikwamua  na hali ngumu ya maisha.

Kampeni  ya kuhamasisha  wanawake ijulikanayo kwa jina la wanawake  chakarika  imekuwa ikitoa elimu mbalimbali kwa wajasiriamali  ili wapate ujuzi zaidi  ikiwemo utengenezaji wa Sabuni za aina  tofauti na  utafutaji  wa masoko.

Source-Zanzibar24,Editor:Issack Gerald