SERIKALI imetoa wito kwa vikundi vya wavuvi vilivyopo katika ziwa Tanganyika kupitia Halmashauri zao kujitokeza na kuchukua ruzuku ya boti injini 24 zilizobaki kwa ajili ya kuendesha shughuli za uvuvi wenye tija.

DODOMA

SERIKALI imetoa wito kwa vikundi vya wavuvi vilivyopo katika ziwa Tanganyika kupitia Halmashauri zao kujitokeza na kuchukua ruzuku ya boti injini 24 zilizobaki kwa ajili ya kuendesha shughuli za uvuvi wenye tija.

Kauli hiyo imetolewa jana bungeni Dodoma na naibu waziri wa mifugo na uvuvi Mh.Abdallah Hamis Ulega wakati akijibu swali la Mbunge wa Mpanda Vijijini Mh.Moshi Suleiman Kakoso aliyetaka kujua  ni lini serikali itawapatia vitendea kazi wavuvi wadogowadogo.

Wakati huo huo Waziri Ulega amesema,kwa mwaka wa fedha Mwaka wa fedha 2015/2016 serikali ya awamu ya tano ilitenga shilingi milioni 400 zilizonunua boti injini 73 ambapo kati ya hizo injini 49 zilishachujkuliwa na vikundi vya uvuvi  nchini kwa mtindo wa ruzuku kupitia Halmashauri zao.

Kwa upande wake Mbunge viti maalumu Mkoani Katavi Anna Lupembe amemwomba  wizara kufika katika maeneo ya  Ikola,Karema,Kapalamsenga na maeneo mengine yanayoendesha shughuli za uvuvi ili kusikiliza kero za wavuvi.

Katika mwaka wa fedha 2017/2018 serikali imekwishatenga shilingi milioni 100 ili kuendelea kusaidia vikundi vya uvuvi vitakavyokuwa vimeundwa hapa nchini.  

Source:Bunge