Wadau wa salaamu kupitia vyombo vya habari Mkoani Katavi,wameaswa kushiriki kwa kiasi kikubwa kuibua masuala mbalimbali ya kijamii ikiwemo kuibua matukio yanayoiathiri jamii ikiwemo matukio ya ukatiri.

Picha ya wadau wa salaam wakiwa katika ziara ya kutembelea kituo cha mpanada Radio Fm

MPANDA

Wadau wa salaamu kupitia vyombo vya habari Mkoani Katavi,wameaswa kushiriki kwa kiasi kikubwa kuibua masuala mbalimbali ya kijamii ikiwemo kuibua matukio yanayoiathiri jamii ikiwemo matukio ya ukatiri.

Wito huo umetolewa leo na Meneja wa kituo cha Mpanda Radio Bw. Revocatus Msafiri,wakati akizungumza na viongozi wa vikundi vya wanasalaamu kuanzia ngazi ya kata hadi Mkoa kikao ambacho kimefanyika katika ukumbi wa studio ya Mpanda Radio.

Picha ya wafanyakazi wa mpanda radio wwakiwa na wadau wa salaam

Katika hatua nyingine, Bw. Msafiri amesema bonanza la leo la mchezo wa mpira wa miguu baina ya watumishi Mpanda Radio na watuma salaamu Mkoani Katavi linalenga kupanua wigo wa kufahamiana na kuongeza mahusiano yenye tija  kwa jamii.

Kwa upande wao baadhi ya watuma salaamu,akiwemo mwenyekiti watuma salaamu wilayani Mpanda Edimond John na Mkuu wa nidhamu Bw.Sospeter Mzee wa Tai mbali na kuipongeza Mpanda Radio kwa matangazo yanayozingatia  mahitaji ya jamii,pia wameiomba Mpanda Radio kuwafikia wananchi waishio vijijini kutokana na vyombo vya habari kutofika mara kwa mara.

Watuma salaamu karibu 30 wameshiriki kikao ambacho pia wamekitumia kueleza changamoto wanazopata wanaposhiriki kutoa maoni katika vipindi mbalimbali vinavyorushwa na Mpanda Radio.

Baadhi ya wadau wa salaam wakiwa katika chumba cha kurushia matangazo

Kituo cha Mpanda Radio ambacho ni cha Kijamii kilianza kurusha matangazo yake mwaka 2013 kikiwa na lengo la kuelimisha,kuhabarisha na kuburudisha jamii ambapo kilizinduliwa na mwenge wa uhuru Julai 17 mwaka 2013.

source: Issack Gerald