Wafugaji katika Halmashauri ya manispaa ya mpanda mkoani Katavi wametakiwa kuzingatia ufugaji wa ndani ili kuondokana na uharibifu wa mazingira.

MPANDA

Wafugaji katika Halmashauri ya manispaa ya mpanda mkoani  Katavi wametakiwa kuzingatia ufugaji wa ndani ili kuondokana na uharibifu wa mazingira.

Yameelezwa hayo na Afisa mifugo na uvuvi wa halmashauri ya Mpanda Bwana Godfrey Tomasi wakati  akizungumza katika kipindi cha kumekucha Tanzania kinachorushwa na Mpanda Redio na amesema wafugaji wanatakiwa kujenga mabanda kwa ajili ya mifugo yao ili kuepukana na mifugo kuzurura mitaani.

Kwa upande wa Afisa Mazingira manispaa ya Mpanda Bwn Said Mwandua amesema wameanza kutoa elimu kwa wafugaji juu ya ufugaji wa ndani na kwa atakaye kiuka atalazimika kulipa faini ya shilingi elfu hamsini.