WAKULIMA zaidi ya 350 katika kata ya Nguruka wilaya ya Uvinza Mkoa wa Kigoma wanatarajia kunufaika kwa kujiongezea kipato chao kupitia kilimo cha zao la Korosho.

KIGOMA.

WAKULIMA zaidi ya 350 katika kata ya Nguruka wilaya ya Uvinza Mkoa wa Kigoma wanatarajia kunufaika kwa kujiongezea kipato chao kupitia kilimo cha zao la Korosho.

Hatua hiyo imetokana na ombi la wakulima kuiomba serikali iweze kuwabadilishia zao mbadala la kibiashara ambapo taasisi ya  utafiti NALIENDELI  ilifanya utafiti na kudhibitisha kuwa zao hilo la Korosho linaweza kulimwa katika wilaya hiyo kutokana na rutuba iliyopo.

Wakizungumiza mataraji yao Ahmadi Habibu na juma kyanga ambao ni wakulima waliopatiwa mafunzo hayo wamesema yatawasaidia kujikwamua zaidi.  

   

 Zao hilo kwa mkoa wa Kigoma limeanza kulimwa kwa mara ya kwanza ambapo bodi ya Korosho imetoa tani moja ya mbegu ambazo zitatoa fursa ya kulima hekari 5000 katika Tarafa ya Nguruka, Huku  afisa kilimo wilaya ya uvinza  Bw. Daniel Kamwela akiitaja mipango zaidi katika   kuelekea mpango huo wa kulima korosho

Wakulima wa wilaya ya Uvinza zao lao kuu la kibiashara ni zao la Tumbaku ambapo kutokana na mahitaji ya kukuza kipato chao waliomba serikali iweze kuwasaidia kupata elimu ya kilimo cha zao la  Korosho wakiamini kuwa ni zao kuu la kibiashara na linaweza kuwa chachu ya ukuaji wa uchumi wao lakini pia kwa Taifa.