Rais wa Ufaransa Emmanuel Macron ametoa mwito kwa Ulaya kuiwekea vikwazo vikali zaidi Venezuela.

Rais wa Ufaransa Emmanuel Macron

PARIS

Rais wa Ufaransa Emmanuel Macron ametoa mwito kwa Ulaya kuiwekea vikwazo vikali zaidi Venezuela.

Macron pia amezitaka nchi zinazoshirikiana kibiashara na Venezuela kuchukua hatua kama hizo ili kuongeza mbinyo zaidi kwa utawala wa rais Nicolas Maduro.

Macron amesema hatua hiyo inafuatia uamuzi uliotolewa na mahakama nchini Venezuela wa kuutenga upinzani kushiriki uchaguzi utakaofanyika mwezi April mwaka huu.

Akizungumza katika mkutano na waandishi wa habari ambao pia ulihudhuriwa na rais wa Argentina Mauricio Macri,Macron amesema ataunga mkono hatua hizo iwapo mataifa ya Ulaya yataona kuna haja ya kuongeza vikwazo dhidi ya serikali ya rais Nicolas Maduro.

Rais wa Argentina Mauricio Macri naye pia ameshutumu utawala wa kiimla chini ya Maduro na kutoa wito uchaguzi ujao kufanyika katika mazingira huru na wazi.

Uamuzi uliotolewa Alhamisi wiki hii na Mahakama ya Juu ya Venezuela ulisafisha njia kwa Maduro kushinda muhula mwingine wa urais katika uchaguzi huo utakaofanyika April.

Chanzo :Dw Swahili

#Changia Danu Okoa Taifa