Rais wa Jamhuri ya Muungano wa Tanzania Mh.Dkt John Pombe Joseph Magufuli amewahakikishia mabalozi na wakuu wa mashirika ya kimataifa waliopo hapa nchini kuwa katika kipindi cha mwaka 2018 serikali ya awamu ya tano itaendeleza juhudi za kuendeleza mazingira ya uwekezaji

Rais wa Jamhuri ya Muungano wa Tanzania Mh.Dkt John Pombe Joseph Magufuli

DAR ES SALAAM

Rais wa Jamhuri ya Muungano wa Tanzania Mh.Dkt John Pombe Joseph Magufuli amewahakikishia mabalozi na wakuu wa mashirika ya kimataifa waliopo hapa nchini kuwa katika kipindi cha mwaka 2018 serikali ya awamu ya tano itaendeleza juhudi za kuendeleza mazingira ya uwekezaji.

Mh.Rais Magufuli amesema hayo katika halfa ya mwaka mpya aliyowaandalia mabalozi wanaoziwakilisha nchi zao hapa nchini hafla ambayo imefanyika katika ukumbi wa mikutano Ikulu Jijini Dar es salaamu.

Katika hafla hiyo,rais ametoa wito kwa mabalozi hao kuwahamasisha wawekezaji na wafanyabiashara kutoka katika nchi zao kuja kuwekeza hapa nchini huku akisema serikali itatoa ushirikiano wote utakaohitajika kwa wawekezaji watakaojitokeza.

Kwa upande wake naibu kiongozi wa mabalozi na wakuu wa mashirika ya kimataifa hapa nchini ambaye ni balozi wa Saharawi Mh.Brahim Salehe El-mami Buseif mbali na kumpongeza Rais Mh.Dkt.John Magufuli kwa uongozi wake wakuu wa mashirika ya kimataifa wataendelea kushirikiana na serikali katika kufanikisha mendeleo ya miradi mbalimbali ya maendeleo.

Chanzo:Tovuti Ikulu ya Rais

#Changia Damu Okoa Taifa